وزیر اعلیٰ اروند کیجریوال نے کہا کہ دہلی کے کسانوں کو پریشان ہونے کی ضرورت نہیں ہے- بدھ کو ایک پریس کانفرنس سے خطاب کرتے ہوئے دہلی کے وزیر اعلی اروند کیجریوال نے بتایا کہ کچھ کسان ماضی میں ان سے ملنے آئے تھے۔ بے موسم بارشوں کی وجہ سے ان کی فصلیں برباد ہو گئی ہیں، جس کی وجہ سے یہ لوگ پریشان تھے۔
انہوں نے کہا 'میں انہیں بتانا چاہتا ہوں کہ حکومت ان کے ساتھ ہے، ایسے تمام کسانوں کو معاوضہ دیا جائے گا'۔ وزیراعلیٰ نے کہا کہ جب بھی کسانوں کے ساتھ اس طرح کا مسئلہ پیدا ہوتا ہے، ہم نے فی ہیکٹر50 ہزار کی شرح سے معاوضہ دیا ہے، جو ملک میں سب سے زیادہ۔ ہم اس بات کو یقینی بناتے ہیں۔ یہ صرف اعلان نہیں ہے بلکہ یہ رقم اعلان کے 3 ماہ کے اندر مل جاتی ہے۔ اس سلسلے میں کارروائی بھی شروع کر دی گئی ہے۔
یہ بھی پڑھیں:اویسی کے بعد عام آدمی پارٹی نے بھی بھارت ۔ پاک میچ منسوخ کرنے کا کیا مطالبہ
وزیراعلیٰ نے کہا کہ اس سلسلے میں احکامات جاری کر دیئے گئے ہیں۔ متعلقہ ایس ڈی ایم اور ڈی ایم نے عمل شروع کر دیا ہے۔وزیراعلیٰ نے کہا کہ دو ہفتوں کے بعد فنڈز کی تقسیم کا عمل شروع ہو جائے گا اور رقم جتنی جلدی ممکن ہو کسانوں تک پہنچ جائے گی۔
