Farmers Celebrate Vijay Diwas: جشن کے ساتھ غازی پور بارڈر سے کسانوں کی روانگی کا آغاز

ایک سال تک دہلی اور اترپردیش کے غازی پور بارڈر پر چٹان کی طرح جم کر مرکزی حکومت سے زرعی قوانین واپس Farm Laws Repealed کرانے والے کسان آج جشن کے ساتھ غازی پور بارڈر سے اپنے گھر کو روانہ ہو رہے ہیں۔

غازی پور بارڈر پر کسانوں نے تمبو اور ٹینٹ کھولنا Farmers Removing Tents From Delhi Border شروع کردیا ہے۔ 10 دسمبر کو غازی پور بارڈر پر جشن کا ماحول رہا ہے ٹھنڈ ہونے کے باوجود کئی جگہوں پر لوگ دیر رات تک جشن مناتے نظر آئے۔ اس دوران کچھ لوگ آبدیدہ بھی رہے وہ اس لیے کہ تقریباً ایک سال تک ساتھ رہنے کے بعد اب بچھڑنے کا غم ستارہا ہے۔ یہی وجہ ہے کہ کچھ لوگ مٹھائی کھلاکر ایک دوسرے کو مبارک باد دے رہے ہیں تو کچھ لوگ گلے مل کر اپنی محبت کا اظہار کررہے ہیں۔ تحریک ملتوی ہونے کے اعلان کے بعد سے ہی یوپی گیٹ پر جشن ہے۔

مظاہرین نے سامان باندھ کر گھر لوٹنا شروع کردیا ہے۔ وہیں رات بھر یہاں جشن منایا گیا ۔ تحریک کے ملتوی ہونے کی خوشی میں مظاہرین نے مٹھائی تقسیم اور ترنگا لہرایا۔ جگہ جگہ ناچ گانا ہوتا رہا۔ یوپی گیٹ پر25 بڑے اور80 چھوٹے تمبو لگے تھے۔ 27 لنگر بھی چل رہے تھے۔ اسٹیج کے پیچھے لگے زیادہ تر تمبو کھل گئے ہیں جو بچے ہی انہیں بھی کھولا جارہا ہے۔

جشن کے ساتھ غازی پور بارڈر سے کسانوں کی روانگی شروع

اسٹیج کے پیچھے کی سڑک تقریباً خالی ہوگئی ہے۔ اتراکھنڈ،پنجاب ،ہریانہ ،سہارنپور اور پیلی بھیت سے آئے مظاہرین نے لوٹنا شروع کردیا ہے۔ رام پور سے آئے نوجوانوں نے جو اسٹور لگایا تھا وہ بھی بند کردیا ہے۔