اس مہا پنچایت میں کسان رہنما گرونام سنگھ چڈھونی، بھیم آرمی کے صدر چندر شیکھر آزاد اور یدھویر سنگھ نے بطور خاص شرکت کی۔
راجستھان کے ضلع بھرتپور کے جرہیراتھانہ علاقے میں ہریانہ کی بارڈر پر گزشتہ 26 دنوں سے احتجاجی دھرنا جاری ہے ۔اس دوران گزشتہ روز ایک مہا پنچایت کا بھی اہتمام کیا گیا۔
راجستھان کسان مورچہ سے رام گوپال، نوح کے رکن اسمبلی آفتاب احمد، فیروز پور جھرکا کے رکن اسمبلی مامن خان،اور پنہانہ کے رکن اسمبلی محمد الیاس بھی اس مہا پنچایت میں شریک ہوئے۔
بارڈر پر جاری احتجاجی دھرنا اور مہا پنچایت کی صدارت مدرسہ محمدیہ میل کھیڑلہ کے مہتمم مولانا ارشد نے کی۔
پنچایت میں موجود کسان رہنماؤں نے ایک بار پھر زرعی قوانین کو رد کرنے کا پر زور مطالبہ کیا۔ کسان رہنماؤں نے کہا کہ یہ تحریک تب تک جاری رہے گی جب تک کہ تینوں زرعی قوانین واپس نہیں لیے جاتے۔ جس طرح سے میوات میں بھی اس مہا پنچایت کو زبردست کامیابی ملی ہے اس سے صاف ظاہر ہے کہ کسان ابھی پیچھے ہٹنےکا ارادہ نہیں رکھتے۔
