نئی دہلی: وزیر خارجہ ایس جے شنکر پیر سے روس کے دو روزہ سرکاری دورے پر جا رہے ہیں۔ ڈاکٹر جے شنکر اپنے دورے کے دوران روسی وزیر خارجہ سرگئی لاوروف سے ملاقات کریں گے اور توقع ہے کہ وہ دو طرفہ امور کے ساتھ مختلف علاقائی اور بین الاقوامی ترقی کے معاملات پر بات چیت کریں گے۔ وزارت خارجہ نے کہا کہ ڈاکٹر جے شنکر نے روسی فیڈریشن کے نائب وزیر اعظم اور صنعت و تجارت کے وزیر ڈینس مانٹوروف، تجارت، اقتصادی، سائنسی، تکنیکی اور ثقافتی تعاون پر ہندوستان۔ روس بین الحکومتی کمیشن (آئی آر آئی جی سی۔ ٹی ای سی) کے لئے ا ن کے اہل سے بھی ملاقات کریں گے۔ S Jaishankar to Meet Sergey Lavrov
وزارت خارجہ کے ترجمان ارندم باگچی نے کہا کہ ملاقاتوں کے دوران مختلف شعبوں میں دو طرفہ اقتصادی تعاون سے متعلق امور پر تبادلہ خیال کیا جائے گا۔ ڈاکٹر جے شنکر کا دورہ دونوں فریقوں کے درمیان باقاعدہ اعلیٰ سطحی بات چیت کے سلسلے میں ہے۔ اس سے قبل ڈاکٹر جے شنکر نے جولائی 2021 میں روس کا دورہ کیا تھا اور اس کے بعد اس سال اپریل میں روسی وزیر خارجہ لاوروف کا دورہ ہندوستان ہوا تھا۔
یہ بھی پڑھیں: Jaishankar to visit Moscow وزیر خارجہ ایس جے شنکر اگلے ماہ روس کا دورہ کریں گے
واضح رہے کہ ایس جے شنکر ایک ایسے وقت میں روس کا دورہ کر رہے ہیں جب روس اور یوکرین کے درمیان جوہری ہتھیاروں کے استعمال کی دھمکی عروج پر ہے۔ روس اور یوکرین نے گزشتہ چند دنوں سے ایٹم بم کے استعمال کے بارے میں وقتاً فوقتاً وارننگ بھی دے چکا ہے۔
یو این آئی
