سابق الیکشن کمشنر ایس وائی قریشی نے دہلی میں منعقدہ ایک تقریب سے خطاب کے دوران ای وی ایم سے متعلق ایک سوال کے جواب میں کہا کہ' ای وی ایم یا وی وی پیٹ معاملے میں چھیڑ چھاڑ ناممکن ہے، مشین الگ نمبرز نہیں دکھاتے ہیں'۔
انھوں نے مزید کہا کہ'جب جب آپ بٹن دبائیں گے، اس میں ایک ہی نمبر ہوگا، مجھے یہ الزامات سمجھ میں نہیں آتے الیکشن کمیشن اور اپوزیشن جماعتوں کو یہ بات ذہن نشین کرنا چاہیے کہ یہ نظام بالکل پختہ ہے، ہمیں لوگوں کا ساتھ دینا چاہئے'۔
انکا مزید کہنا تھا کہ' ہمیں لوگوں کا ساتھ دینا ہوگا'
قریشی کا کہنا تھا کہ ای وی ایم ختم کرنے کی بجائے ان مشینوں میں مزید اصلاح کی ضرورت ہے۔
انہوں نے الیکشن کمیشن کے رول پر سوال اٹھاتے ہوئے کہا کہ الیکشن کمیشن نے حالیہ انتخابات میں جانبدارانہ رخ اختیار کیا جو غیر مناسب ہے۔
