نئی دہلی: مرکزی حکومت نے ترمیم شدہ انفارمیشن ٹکنالوجی (انٹرمیڈیری گائیڈ لائنز اور ڈیجیٹل میڈیا کوڈ آف کنڈکٹ) رولز، 2021 (آئی ٹی رولز 2021) کے تحت تین اپیل کمیٹیوں کے قیام کا نوٹیفکیشن جاری کیا ہے۔ وزارت الیکٹرانکس اور انفارمیشن ٹکنالوجی کی طرف سے ہفتہ کے روز شائع ہونے والے نوٹیفکیشن کے مطابق، ہر کمیٹی کے تین ارکان ہیں۔ ان میں سے ایک حکومتی چیئرمین رکن ہے اور دو کل وقتی ممبر رکھے گئے ہیں جن کی مدت تین سال ہے۔ آئی ٹی رولز، 2021 میں ماورائے عدالت شکایات کے ازالے کے لیے ان کمیٹیوں کا قیام کیا گیا ہے۔
ان قوانین کا مقصد یہ ہے کہ بڑے سوشل میڈیا پلیٹ فارمز (SSMI) جوابدہی کے قوانین کی تعمیل کریں اور بھارتی شہریوں کے آئینی حقوق کی کسی بھی بڑے پیمانے پر ٹیکنالوجی پلیٹ فارم کے ذریعہ خلاف ورزی نہیں کی جانی چاہیے۔ پہلی کمیٹی کے سربراہ راجیش کمار، چیف ایگزیکٹو آفیسر، انڈین سائبر کرائم کوآرڈینیشن سینٹر (I4C)، وزارت داخلہ ہیں۔ آشوتوش شکلا، انڈین پولیس سروس (ریٹائرڈ) اور سنیل سونی، سابق چیف جنرل منیجر اور چیف انفارمیشن آفیسر، پنجاب نیشنل بینک کو بطور ممبر رکھا گیا ہے۔
یہ بھی پڑھیں: انڈسٹریل ڈیولپمنٹ کارپوریشن کے قیام کے لیے چار رکنی کمیٹی تشکیل
دوسری کمیٹی میں وزارت اطلاعات و نشریات میں پالیسی اینڈ ایڈمنسٹریشن ڈویژن کے انچارج جوائنٹ سکریٹری وکرم سہائے کو بطور چیئرمین مقرر کیا گیا ہے جبکہ سنیل کمار گپتا (ریٹائرڈ) سابق ڈائریکٹر (پرسنل سروسز) نیول ہیڈ کوارٹرز بنائے گئے ہیں۔ ، ہندوستانی بحریہ اور کیویندر شرما، سابق نائب صدر (کنسلٹنگ)، ایل اینڈ ٹی انفوٹیک لمیٹڈ کو کل وقتی ممبر بنایا گیا ہے۔ تیسری کمیٹی میں الیکٹرانکس اور انفارمیشن ٹیکنالوجی کی وزارت میں سائنٹسٹ-جی اور جوائنٹ سکریٹری رینک کی افسر کویتا بھاٹیہ بطور چیئرپرسن اور سنجے گوئل، انڈین ریلوے ٹریفک سروس (ریٹائرڈ) اور کرشنا گیری راگوتھماراؤ مرلی موہن، سابق منیجنگ ڈائریکٹر اور سی ای او آئی ڈی بی آئی کو رکن بنایا گیا ہے۔
یو این آئی
