لاک ڈاؤن کے دوران تنخواہ کی ادائیگی نہ کرنے پر دہلی کی ایک کار رینٹل کمپنی کے دس ملازمین نے کمپنی کے خلاف دہلی ہائی کورٹ میں درخواست دائر کی تھی۔
جس پر عدالت نے سماعت کرتے ہوئے ملازمین کو دہلی شاپ اور اسٹیبلشمنٹ ایکٹ کے تحت مناسب اتھارٹی میں جانے کی ہدایت دی۔ جسٹس نوین چاولہ کے بینچ نے ویڈیو کانفرنسنگ کے ذریعے سماعت کے بعد یہ حکم دیا۔
عدالت نے درخواست گزاروں کو دہلی حکومت کے محکمہ محنت کے پاس جانے کی ہدایت کی۔ ساتھ ہی ہائی کورٹ نے دہلی حکومت کو ان ملازمین کی درخواست پر جلد کارروائی کرنے کی ہدایت کی۔
درخواست میں کہا گیا ہے کہ 'لاک ڈاؤن کے دوران کار رینٹل کمپنی نے انہیں تنخواہ دینے سے انکار کردیا بلکہ کمپنی نے پروویڈنٹ فنڈ اکاؤنٹ نمبر یا اس کا سرٹیفکیٹ دینے سے بھی انکار کردیا۔ انہوں نے کمپنی سے متعدد بار اس کا مطالبہ کیا لیکن کوئی نتیجہ برآمد نہیں ہوا۔
اس کے بعد کار رینٹل کمپنی کے ملازمین نے 16 اپریل کو وسنت کنج پولیس اسٹیشن میں شکایت درج کروائی اور مطالبہ کیا کہ مرکزی حکومت کی ہدایتوں پر عمل کرایا جائے اور انہیں تنخواہ دلوایا جائے۔
وہیں 22 اپریل کو ان ملازمین نے کمپنی کو ایک نوٹس بھی بھیجا تھا۔
