بتایا جارہا ہے کہ ریزیڈینٹ ویلفیئر ایسوسی ایشن کے الیکشن میں چار گروپ کے صدر، جنرل سکریٹری اور خزانچی کے لیے امیدوار کھڑے تھے۔1401 رائے دہندگان میں سے 1040 افراد نے ووٹ ڈالے۔ اس طرح ترازو والے نشان کو 577 ووٹ ملے جن میں محمد آصف صدر، سعید اے خان جنرل سکریٹری اور ایم اے خان خزانچی منتخب قرار دیے گئے۔
ابوالفضل میں آر ڈبلیو اے کا انتخاب
دوسری جانب مشعل والے نشان کو 346 ووٹ ملے اور وہ دوسرے مقام پر رہے۔ جبکہ چار نمبر والے قلم و کتاب کے نشان کو 86 ووٹ ملے اس طرح اسے تیسری پوزیشن حاصل ہوئی۔ اسی طرح سلینڈر والے نشان کو 24 ووٹ ملے اور اس نے چوتھی پوزیشن حاصل کی۔
کل ملاکر آر ڈبلیو اے کا انتخاب کافی دلچسپ رہا اور علاقے کے لوگوں نے اس میں بڑھ چڑھ کر حصہ لیا۔ اب دیکھنا یہ ہے کہ جن امیدواروں نے جیت حاصل کی ہے وہ اپنے وعدوں پر کتنا کھرا اترتے ہیں۔
