الیکشن کمیشن آف انڈیا آج (جمعہ) شام ساڑھے چار بجے وگیان بھون میں پانچ ریاستوں میں انتخابات سے متعلق اہم پریس کانفرنس کرنے جا رہا ہے۔ الیکشن کمیشن پانچ اسمبلی ریاستوں میں الیکشن کی تاریخوں کا اعلان کرے گا۔ یہ پریس کانفرنس وگیان بھون کے ہال نمبر۔ 5 میں ہوگی۔
مغربی بنگال، آسام، تملناڈو، کیرالہ اور پڈوچیری میں اسمبلی انتخابات ہونے والے ہیں۔ ان ریاستوں میں الیکشن کے پیش نظر سیاسی سرگرمیوں میں تیزی آئی ہے۔ پہلے سے ہی امید ظاہر کی جا رہی تھی کہ الیکشن کمیشن مارچ کے پہلے ہفتے میں انتخابی شیڈول جاری کرے گا۔
حالانکہ الیکشن کمیشن نے تیزی دکھاتے ہوئے آج ہی انتخابی شیڈول جاری کرنے کا فیصلہ کیا ہے۔ اس پریس کانفرنس میں ان ریاستوں کے میڈیا آرگنائزیشن کو خاص طور سے مدعو کیا گیا ہے۔
غورطلب ہے کہ چار ریاستوں مغربی بنگال، آسام اور کیرالہ میں اسمبلی کی موجودہ مدت کار مئی اور جون میں ختم ہو رہی ہے۔
مزید پڑھیں:
تاجروں نے بھارت بند کا اعلان کیا
وہیں، پڈوچیری میں اعتماد کے ووٹ پر ووٹ ڈالنے سے قبل وزیر اعلیٰ وی نارائن سامی کے استعفیٰ دینے سے کانگریس کی زیرقیادت حکومت گر گئی تھی۔ وہاں اسمبلی کو تحلیل کر صدر راج نافذ کر دیا گیا ہے۔
