نیتاجی کی بہادری کو صدیوں تک یاد کیا جائے گا: امت شاہ

مرکزی وزیر داخلہ امت شاہ نے جمعہ کو کہا کہ ملک نیتاجی سبھاش چندر بوس کو بہت محبت سے یاد کرتا ہے اور ان کی بہادری اور ہمت کو صدیوں تک یاد کیا جائے گا۔

امت شاہ نے یہاں نیشنل لائبریری کولکاتا میں ’شورینجلی پروگرام‘ میں شہید مجاہدین آزادی کو خراج عقیدت پیش کرتے ہوئے کہا کہ ملک کے نوجوانوں کو نیتاجی کے بارے میں ضرور پڑھنا چاہئے۔

انہوں نے کہا کہ ملک کے نوجوانوں کو نیتاجی کی زندگی اور ان کی جدوجہد کے بارے میں ضرور معلومات حاصل کرنی چاہئے۔

امت شاہ نے کانگریس کا نام لئے بغیر کہا کہ کئی مواقع پر لوگوں نے نیتا جی سبھاش چندر بوس کی شراکت کو اجاگر کرنے کے بجائے انہیں فراموش کر دینے کی کوشش کی لیکن وزیر اعظم نریندر مودی نے ایک کمیٹی تشکیل دی ہے جو یہ یقینی کرے گی کہ آئندہ نسل اس عظیم لیڈر کو احترام دیتے ہوئے انہیں خراج عقیدت پیش کرتی رہے۔