مشرقی دہلی میونسپل کارپوریشن کے ملازمین کے لئے ایک بری خبرہے۔ مالی بحران سے گزر رہے مشرقی دہلی میونسپل کارپوریشن نے مئی کے مہینے کی تنخواہ کی ادائیگی سے ہاتھ کھڑے کر لیے ہیں۔ ایسی صورتحال میں میونسپل کارپوریشن کے ملازمین کو مئی کے مہینے کی تنخواہ کا انتظار کرنا پڑ سکتا ہے۔
دہلی کی تین میونسپل کارپوریشن میں اگر جنوبی دہلی میونسپل کارپوریشن کو چھوڑ دیں تو باقی دو شمالی دہلی میونسپل کارپوریشن اور مشرقی دہلی میونسپل کارپوریشن کی مالی حالت ابتدا ہی سے خستہ حال ہے۔ دہلی حکومت کے ساتھ محاذ آرائی نے ایسی حالت کر دی جیسے کوڑھ پر کھاج (دوسرا بڑا مسئلہ) بن گیا۔
مشرقی دہلی میونسپل کارپوریشن کے رہنما سدن نرمل جین کا کہنا ہے کہ اس مالی بحران کے باوجود انہوں نے اپریل کی تنخواہ دے دی ہے، لیکن اب ان کے پاس اتنی رقم نہیں ہے کہ وہ اپنے ملازمین کو مئی کے مہینے کی تنخواہ ادا کریں۔
نرمل جین کے مطابق سائز میں چھوٹا ہونے اور پوش علاقوں کی کمی کی وجہ سے مشرقی دہلی میونسپل کارپوریشن میں ویسے بھی کمائی کا امکان کم ہے۔ کجریوال حکومت نے باقی رقم چھوڑ کر فنڈ روک دیا۔
ان کا کہنا ہے کہ کیجریوال حکومت بی جے پی کو بدنام کرنے کے لئے اپنے فنڈ پر کنڈلی مار کر بیٹھی ہے۔ ایسی صورتحال میں اب ہر چیز دہلی حکومت کے رویہ پر منحصر ہے کہ وہ کارپوریشن کی درخواست کا کیا جواب دیتی ہے۔
