دہلی: کورونا وبا کو روکنے کے لیے ملک میں نافذ لاک ڈاؤن کی وجہ سے یومیہ مزدور معاشی بحران کے شکار ہیں ان میں ایک طبقہ قلی برادری کا بھی ہے جو لاک ڈاؤن کے سبب شدید پریشانیوں کا سامنا کررہا ہے۔
ویڈیو
اس تعلق سے پرانی دہلی ریلوے اسٹیشن پر کام کرنے والے قلیوں نے بتایا کہ جب سے لاک ڈاؤن نافذ ہے تب سے بیشتر ٹرینیں بند ہیں جس سے ہمارا روزگار بند ہے اور اب ایسے حالات پیدا ہوگئے ہیں کہ ہمارے لیے ایک وقت کی روٹی جٹا پانا مشکل ہورہا ہے۔
مسافروں کا بوجھ اٹھا کر گھر کا چولہا جلانے والے قلی اس وبا کے خاتمے کی دعا تو کر ہی رہے ہیں ساتھ ہی ریاستی و مرکزی حکومتوں سے مالی امداد کے بھی منتظر ہیں۔
