Draupadi Murmu will Take Oath Today: دروپدی مرمو آج لیں گی پندھویں صدرِ جمہوریہ کا حلف

25 جولائی کی تاریخ بھارت کے لیے کچھ خاص ہے۔ اس تاریخ کو اب تک 9 صدور نے حلف اٹھایا ہے، اس فہرست میں دروپدی مرمو کا نام بھی شامل ہونے جا رہا ہے۔ وہ ملک کی 15ویں صدر بنیں گی لیکن اس تاریخ کو حلف اٹھانے والی 10ویں صدر ہوں گی۔ Newly Elected President Draupadi Murmu

نئی دہلی: نو منتخب صدر دروپدی مرمو آج ملک کے اعلیٰ ترین آئینی عہدے کا حلف لیں گی۔ دروپدی مرمو آج پندھویں صدرِ جمہوریہ کے بطور حلف لیں گی۔ ملک کی 10ویں صدر ہوں گی جو 25 جولائی کو حلف لیں گی۔ وہ پارلیمنٹ ہاؤس کے سینٹرل ہال میں اپنے عہدے اور رازداری کا حلف لیں گی۔ پرسنل منسٹری نے حلف برداری کی تقریب کے خوش اسلوبی سے انعقاد کو یقینی بنانے کے لیے علاقے میں کچھ سرکاری عمارتوں کو دوپہر 2 بجے تک بند کرنے کا حکم دیا ہے۔ تقریب کے پیش نظر پارلیمنٹ کی نئی عمارت کی تعمیر بھی روک دی جائے گی۔ Draupadi Murmu Oath Ceremony

ریکارڈز سے پتہ چلتا ہے کہ 1977 سے، یکے بعد دیگرے صدور نے اس تاریخ (25 جولائی) کو حلف اٹھایا ہے۔ ہندوستان کے پہلے صدر راجندر پرساد نے 26 جنوری 1950 کو حلف لیا۔ 1952 میں انہوں نے پہلا صدارتی انتخاب جیتا تھا۔ راجندر پرساد نے دوسرا صدارتی انتخاب بھی جیتا اور مئی 1962 تک اس عہدے پر فائز رہے۔ سرو پلی رادھا کرشنن نے 13 مئی 1962 کو صدر کے طور پر حلف لیا اور 13 مئی 1967 تک اس عہدے پر رہے۔ دو صدور ذاکر حسین اور فخرالدین علی احمد اپنی مدت پوری نہ کر سکے کیونکہ وہ انتقال کر گئے۔ Fifteenth President of the Republic India

بھارت کے چھٹے صدر نیلم سنجیوا ریڈی نے 25 جولائی 1977 کو حلف لیا۔ اس کے بعد 25 جولائی کو گیانی زیل سنگھ، آر۔ وینکٹارمن، شنکر دیال شرما، کے آر۔ نارائنن، اے پی جے عبدالکلام، پرتبھا پاٹل، پرنب مکھرجی اور رام ناتھ کووند نے بھی اسی تاریخ کو اپنے عہدے کا حلف لیا۔ واضح رہے کہ مرمو ہندوستان کے صدر کے عہدے پر فائز ہونے والی پہلی قبائلی خاتون ہوں گی۔ Draupadi Murmu will take Oath as the Fifteenth President