ایک زمانے میں ممبئی کے خطرناک انڈر ورلڈ ڈان سمجھے جانے والے روی پجا ری کو جنوبی افریقہ میں گرفتار کر لیا گیا ہے۔ انڈر ورلڈ ڈان کو جلد ہی بھارت کے حوالہ کیا جائے گا۔
ذرائع سے ملی اطلاع کے مطابق روی پجاری کو مغربی افریقہ کے سینگل میں گرفتار کیا گیا ہے اور انہیں آج ہی بھارت لایا جائے گا۔ ادھر بھارت نے تمام تر کاغذی کارروائی مکمل کر لی ہے۔
واضح رہے کہ گذشتہ برس ان کا ایک نیا پاسپورٹ ملا تھا جس پر نیا نام اینتھنی فرنانڈیس درج ہے اور اب وہ مغربی افریقی ملک برکینا فاسو کے باشندے ہیں۔ پاسپورٹ میں ان کا یوم پیدائش 25.01.1961 درج ہے ۔
پاسپورٹ کے مطابق انہیں وہاں پر ایک تاجر کی حیثیت سے شہریت دی گئی ہے جو سینگل، برکینا فاسو اور اس کے قرب و جوار کے ممالک میں نمستے انڈیا کے نام سے ریسٹورنٹ چلا رہے ہیں۔
واضح رہے کہ فلموں کے شوقین روی پجاری پر فلم امر، اکبر، اینتھونی میں امیتابھ بچن کے کردار اینتھونی گونسالویس کا اثر رہا ہے اور وہ نیا نام اینتھونی فرنانڈیس استعمال کر رہے ہیں۔
چند روز قبل روی پجاری کے وکیل سینگل کی عدالت میں یہ دلیل دے رہے تھے کہ جیسا کہ پاسپورٹ میں درج ہے، وہ بر کینا فاسو کے تاجر اینتھونی فاسو ہیں نہ کہ وہ کوئی مفرور ہیں جیسا کہ بھارت حکومت کہہ رہی ہے۔ روی پجاری بالی ووڈ ستاروں اور یہاں تک کہ گجرات کے سیاسی رہنما جگنیش میوانی تک کو جبرا وصولی کی دھمکی دے چکا ہے جس کے خلاف کرناٹک اور ممبئی میں 98 معاملات درج ہیں۔
حال ہی میں کیرالا کے رکن اسمبلی پی سی جارج نے انکشاف کیا کہ انڈر ورلڈ ڈان روی پجاری نے انہیں ان کے بیٹے کو قتل کرنے کی دھمکی دی تھی۔
