قومی دارالحکومت دہلی کی معروف جامعہ ملیہ اسلامیہ یونیورسٹی کے لائبریرین ڈاکٹر طارق اشرف کو مینجمنٹ لائبریری نیٹورک کی جانب سے لائبریری کے شعبے کا اہم ترین ایوارڈ سے نوازا کیا گیا۔
انہیں 2019 کے 'بہترین لائبریرین ایوارڈ' سے نوازا گیا، یہ تقریب وروڈرا کی پارول یونیورسٹی میں منعقد ہوئی جہاں انہیں 10 ہزار کی نقد رقم اور ایک شال سے بھی نوازا گیا۔
ڈاکٹر طارق اشرف گذشتہ کئی برسوں سے مسلسل سیمینار، ورکشاپز، ڈجیٹائزیشن اور مختلف تربیتی کیمپ منعقد کرا چکے ہیں، اس کے علاوہ متعدد ریسرچ پیپرز اور آن لائن پروگرامز بھی منعقد کرا چکے ہیں۔
اس سے قبل ڈاکٹر طارق اشرف انٹرنیشنل پیپر کانٹیسٹ میں 2003 اور 2009 میں کامیابی حاصل کی تھی۔
ڈاکٹر طارق دنیا بھر کے 11 ممالک کا دورا بھی کر چکے ہیں جن میں یو ایس اے، جاپان، یو اے ای، سنگاپور، ہانگ کانگ، فلپائن، جرمنی، اٹلی، ساوتھ کوریا پولینڈ، ملیشیا کا نام شامل ہے۔
