ہسپتال کے حکام خاتون ڈاکٹر کی موت کو مبینہ خود کشی قرار دے رہے ہیں جب کہ ان کے شوہر ڈاکٹر ادے ڈھنگرا کےمطابق ان کا قتل کیا گیا ہے۔
اطلاعات کے مطابق ڈاکٹر آستھا نے نائٹ ڈیوٹی کے دوران رات کے 12 بجے اپنے کیبن کا دروازہ بند کر لیا۔ جب صبح کو کیبنل کا دروازہ نہیں کھلا تو ہسپتال کے حکام نے اس کی اطلاع پنجابی باغ پولیس تھانے کو دی۔ جہاں پولیس کو ان کی لاش پڑی ہوئی ملی۔
پولیس کو ان کی لاش کے ساتھ بےہوش کرنے والی دوا اور ہاتھ میں انجیکشن لگا ہوا تھا۔
پولیس نے لاش کو اپنی تحویل میں لے لیا ہے، پوسٹ مارٹم کے بعد ان کی موت کی اصل وجہ سے پتہ چلے گا۔
ڈاکٹر آستھا گذشتہ دو برس سے اس ہسپتال میں کام کر رہی تھیں، جب کہ ان کے شوہر بھی پشیے سے ڈاکٹر ہیں اور جی بی پنت ہسپتال میں پریکٹس کرتےہیں۔
پولیس اور دیگر ماہرین ڈاکٹر آستھا منجال کی موت کی تفتیش کر رہے ہیں۔
