آج مانسون اجلاس کا چوتھا دن ہے۔ اس دن ہومیوپیتھی سنٹرل کونسل ترمیمی بل 2020 اور انڈین میڈیکل سینٹرل کونسل ترمیمی بل 2020 کو راجیہ سبھا میں منظور کیا گیا ہے۔
اس کے علاوہ راجیہ سبھا میں جن بلوں پر تبادلہ خیال کیا گیا ان میں وزرا کی تنخواہوں اور الاؤنس (ترمیمی) بل 2020 شامل ہیں۔
وزیر صحت ڈاکٹر ہرش وردھن نے پارلیمنٹ کے ایوان بالا میں کورونا وائرس کے بارے میں بات کی۔
واضح رہے کہ کل لوک سبھا میں کسان پیداوار، فروخت و تجارت (ترقی و سہولت) بل 2020 اور کسان (خوداختیاری و تحفظ) معاہدہ برائے یقینی قیمت و زرعی خدمات بل 2020 کے بشمول اشیائے ضروریہ سے متعلق ترمیمی بل کو منظور دے دی گئی۔
مذکورہ بلوں پر گرما گرم مباحث ہوئی جبکہ ندائی ووٹ سے ان بلز کو منظوری دے دی گئی اور اپوزیشن کی جانب سے پیش کی گئی تمام ترمیمات کو مسترد کردیا گیا۔
اس سے قبل مرکزی وزیر دفاع راج ناتھ سنگھ نے جمعرات کے روز راجیہ سبھا میں سرحدی موقف پر بات کرتے ہوئے کہا کہ یہ مسئلہ حل نہیں ہوا ہے۔ انہوں نے اس بات کا اعادہ کیا کہ چین سرحد پر امن قبول نہیں کررہا ہے۔
اس سب کے علاوہ راجیہ سبھا میں جمعہ کے روز مختلف اراکین پارلیمان نے رکن پارلیمنٹ اشوک گستی کے انتقال پر اظہار تعزیت کیا۔
راجیہ سبھا کے چیئرمین ایم وینکیا نائیڈو نے کہا ہے کہ 'میں اشوک گستی کے انتقال پر گہرے رنج و غم کا اظہار کرتا ہوں، جو کرناٹک پارلیمنٹ میں نمائیدگی کرتے تھے۔ ملک نے ایک قابل پارلیمنٹیرین کھو دیا ہے'۔
مرحوم کے احترام کے لئے دو منٹ کی خاموشی منائی گئی۔
نائب صدر نے کرناٹک کے وزیر اعلی بی ایس یدیورپا سے ملاقات کرکے راجیہ سبھا رکن کی صحت سے متعلق استفسار کیا تھا۔
واضح رہے کہ کرناٹک سے تعلق رکھنے والے بی جے پی کے راجیہ سبھا رکن اشوک گستی کا کووڈ-19 کی وجہ سے انتقال ہو گیا۔
اسپتال انتظامیہ نے بتایا کہ راجیہ سبھا رکن کو شدید کووڈ-19 نمونیا کے مرض کی وجہ سے ہسپتال میں داخل کیا گیا تھا اور جسم کے اعضا کی ناکامی کے بعد ان کی حالت تشویشناک تھی۔ وہ انتہائی نگہداشت یونٹ (آئی سی یو) میں لائف سپورٹ پر تھے۔
وزیر اعظم نریندر مودی نے ٹویٹر پر ان کی وفات پر تعزیت کا اظہار کیا۔
’اشوک گستی ایک پرعزم کارکن تھے، جنھوں نے کرناٹک میں پارٹی کو مضبوط کرنے کا کام کیا۔ وہ غریب پسماندہ طبقات کی فلاح اور خودمختاری کے لے فکرمند رہتے تھے، ان کی موت پر شدید غم اور افسوس ہے۔ان کے اہل خانہ اور دوستوں سے تعزیت کا اظہار کرتا ہوں‘
- مزید پڑھیں: رکن پارلیمان اشوک گستی کی کورونا سے موت
رواں سال جون میں بلا مقابلہ انتخاب کے بعد، گستی وبائی مرض کی وجہ سےپارلیمنٹ نہیں آئے ۔ وہ پہلی بار راجیہ سبھاکے رکن بنے تھے۔
