ملک بھر میں لاک ڈاؤن چار کا اعلان تو 17 مئی کو ہی کر دیا گیا تھا لیکن دہلی کے وزیراعلی اروند کیجریوال نے اپنے رہنمایانہ خطوط 18 مئی کی شام میں جاری کی.
حالانکہ اس لاک ڈاؤن میں بہت سی سہولیات عوام کو دی گئی ہیں جو گزشتہ لاک ڈاؤن میں شامل نہیں تھیں۔ انہی میں سے ایک آٹو رکشا اور بس سروس کا آغاز بھی شامل ہے.
تاہم اس دوران آٹو رکشا والوں کو دہلی حکومت سے ایک شکایت ہے۔ ان کا کہنا ہے کہ کم سے کم دو افراد کو آٹو رکشا میں سفر کرنے کی اجازت دی جانی چاہیے تھی. کیونکہ کوئی بھی فیملی اگر باہر جاتی ہے تو وہ الگ الگ آٹو میں بیٹھ کر سفر کرنا نہیں چاہیں گے.
جبکہ دہلی حکومت کی جانب سے جو گائیڈ لائنز جاری کی گئی ہیں اس کےمطابق ایک وقت میں ایک رکشہ پر صرف ایک شخص ہی سفر کر سکتا ہے.
ایسے میں اگر کوئی فیملی دو افراد پر مشتمل ہے تو وہ کس طرح سے دو الگ الگ آٹو رکشہ کا خرچ برداشت کرے گی اور اگر ہم انہیں لیکر جاتے ہیں تو ہمارا چالان کیا جائے گا.
