جامعہ ملیہ اسلامیہ کے الومنائی اور جامعہ کو-آرڈینیشن کمیٹی کے اراکین کی جانب سے یہ احتجاجی مظاہرہ نکالا گیا۔
مظاہرے میں موجود لوگوں نے کیجریوال کے گھر کا گھیراؤ کرتے ہوئے تشدد میں خاطی افراد کے خلاف کارروائی کرنے کے لیے نعرے بازی کرتے ہوئے مطالبہ کیا۔
مظاہرہ کررہے نے کیجریوال سے مطالبہ کرتے ہوئے کہا کہ کیجریوال مقامی اراکین اسمبلی کے ساتھ متاثرہ علاقوں کا دورہ کرے اور حالات کو پر امن بنانے کے لے ایک امن مارچ نکالیں۔
مظاہرین کا یہ بھی کہنا ہے کہ تباہی مچانے والوں کی شناخت کی جائے اور ان کے خلاف سخت سے سخت کارروائی کی جائے۔
واضح رہے کہ منگل کے روز وزیراعلی اروند کیجریوال نے اپنی سرکاری رہائش گاہ پر ایک میٹنگ بلائی تھی جس میں دہلی کے متاثرہ علاقوں کے اراکین اسمبلی اور افسران موجود تھے۔
خیال رہے کہ دہلی میں تششد کے واقعات رونما ہونے کے بعد اب 13 افراد کی ہلاکت کی تصدیق ہوئی ہے جب کہ 190 سے زائد افراد کے زخمی ہونے کی اطلاع ہے۔
