دہلی ڈیزاسٹر مینجمنٹ اتھارٹی کی جانب سے جاری کردہ حکم میں کہا گیا ہے کہ پیر سے اسٹیڈیم اور اسپورٹس کمپلیکس کھل سکیں گے اور یہاں کھیلوں کی سرگرمیاں منعقد کی جاسکتی ہیں لیکن ابھی شائقین کو اجازت نہیں دی جارہی ہے۔ اس سے متعلق یہ بھی کہا گیا ہے کہ اسٹیڈیم اور اسپورٹس کمپلیکس میں کورونا گائیڈ لائن پر سختی سے پابندی کی جائے گی۔
آپ کو بتادیں کہ گزشتہ ہفتے دہلی حکومت نے 50 فیصد صلاحیت کے حامل جم کو کھولنے کی اجازت دی تھی۔ اس دوران شادی ہال اور ہوٹل میں 50 سے زیادہ افراد کی موجودگی میں بھی شادی کی تقریب کی منظوری دی گئی لیکن اب بھی 20 سے زیادہ افراد جنازے میں شریک نہیں ہو سکیں گے۔ اسی کے علاوہ 50 فیصد صلاحیت والے ریستوران اور بازار کے آپریٹنگ اوقات شام 10 بجے تک رہیں گے۔
غور طلب ہے کہ گزشتہ تین ہفتوں سے ٹرائل کی بنیاد پر بازاروں اور شاپنگ مالز کے لئے کھولے جانے کے اوقات میں اضافہ کیا گیا ہے، صبح 10 بجے سے رات 8 بجے تک تمام مارکیٹس، مارکیٹ کمپلیکس اور شوپنگ مال کھلے رہیں گے۔ گذشتہ ہفتے کی طرح ہفتہ وار مارکیٹس کو بھی ہر ایم سی ڈی زون کے لحاظ سے مارکیٹ کی بنیاد پر کھلنے کی اجازت دی گئی ہے۔
اس دوران تمام مذہبی مقامات کو کھولنے کی اجازت دی گئی ہے لیکن عقیدت مندوں کو وہاں جانے کی اجازت نہیں ہوگی۔ اس کے علاوہ تمام اسکول، کالج اور تعلیمی ادارے بند رہیں گے۔ ڈی ڈی ایم اے کے حکم میں کہا گیا ہے کہ آن لائن اور فاصلاتی تعلیم جاری رکھنے کی اجازت ہوگی۔
