قومی شہریت ترمیمی قانون اور این آر سی کے خلاف اترپردیش گزشتہ دنوں مظاہرین پر پولیس کی بربریت کے خلاف انہد نے دہلی میں کل ایک پروگرام منعقد کرنے کا اعلان کیا ہے۔
یہ پروگرام کل دن میں سہ پہر تین بجے سے شام چھ بجے تک ڈپٹی اسپیکر ہال میں ہوگا۔
اس پروگرام میں دہلی یونیورسٹی سے تعلق رکھنے والے پروفیسر اپوروا آنند، ایمنیسٹی انٹرنیشنل کے ایکزی کیٹیو ڈائرکٹر اویناش کمار، سینٹر فار ہارمونی ایند پیس، وارانسی کے چیئرمین محمد عارف، رہائی منچ کے سماجی خدمت گار رویش عالم،ن انہد کی شبنم ہاشمی، سمرن ورما، وینا رانا، وکاس نارائن رائے اور ورندا گرور وغیرہ خطاب کریں گے۔
واضح رہے کہ 'گزشتہ 19 دسمبر کو اترپردیش کے مختلف شہروں میں قومی شہریت ترمیمی قانون کے خلاف احتجاج کرنے والےلوگوں کے ساتھ پولس نے بربریت کا مظاہرہ کیا تھا اور بہت سے لوگوں کو جن میں مظاہرہ نہ کرنے والے شامل تھے گرفتار کرکے جیل میں ڈال دیا تھا۔ جن میں سے کچھ کی ضمانت ہوچکی ہے۔'
