شاہین باغ: دہلی پولیس کی کاروائی، مظاہرہ عارضی طور پر ختم

کورونا وائرس کے خطرات سے بچاؤ کے لیے ملک کی مختلف ریاستوں میں لاک ڈآن یا کرفیو نافذ کیا گیا ہے اور عوام کو گھروں میں رہنے کا مشورہ دیا جارہا ہے۔

دہلی میں بھی لاک ڈآن کے باوجود شاہین باغ میں مظاہرہ جاری تھا جبکہ آج پولیس نے طاقت کا استعمال کرتے ہوئے مظاہرین کو منتشر کردیا اور سڑک پر موجود شامیانوں کو ہٹادیا۔

شاہین باغ میں خواتین، متنازعہ شہریت قانون کے خلاف تقریباً 100 دنوں سے احتجاجی مظاہرہ کر رہی تھیں جسے آج پولیس نے طاقت کا استعمال کرتے ہوئے ختم کروا دیا۔

پولیس کی بھاری فورس کو مظاہرہ کے مقام پر تعینات کردیا گیا ہے جبکہ ڈرون کیمروں کی مدد سے حالات پر نظر رکھی جارہی ہے۔