دہلی پولیس کے ایک افسرنے بدھ کے روز بتایا کہ 'لال قلعہ میں جھنڈا لہرانے یا اس حرکت میں ملوث ہونے کے معاملہ میں سدھو، جگراج سنگھ، گرجوت سنگھ اور گرجنت سنگھ پر ایک لاکھ روپئے کے نقد انعام کا اعلان کیا گیا ہے۔'
پولیس نے بتایا کہ 'ان کی شناخت سی سی ٹی وی اور ویڈیوکلپس کی بنیاد پر کی گئی ہے۔'
انہوں نے کہا کہ 'مبینہ طور پر مظاہرین کو اشتعال دلانے پر بوٹا سنگھ، سکھدیو سنگھ، جگبیر سنگھ اور اقبال سنگھ پر 50، 50 ہزار روپئے کے انعامات کا اعلان کیا گیا ہے۔'
واضح رہے کہ مرکز کے تین زرعی قوانین کو واپس لینے کے کسان تنظیموں کے مطالبے کی حمایت میں 26 جنوری کو کسانوں نے ٹریکٹر پریڈ نکالی تھی اور اس دوران کسانوں اور پولیس کے درمیان پرتشدد جھڑپیں ہوئی تھیں۔
یہ بھی پڑھیں: زرعی قوانین کو واپس لے حکومت: غلام نبی آزاد
اس دوران کچھ مظاہرین لال قلعہ تک پہنچ گئے تھے اور انہوں نے وہاں فصیل پر کسانوں کے جھنڈے اور ایک مذہبی جھنڈا لہرا دیا تھا۔ ٹریکٹر ریلی کے دوران ہوئے تشدد میں ابھی تک 44 ایف آئی آر درج ہو چکی ہیں اور 122 لوگوں کی گرفتاری عمل میں آئی ہے۔
