ڈی ایم آر سی کا دعوٰی ہے کہ ایک سال کے اندر یہ سروس دیگر چھ میٹرو لائنوں کی ٹرینوں میں بھی دستیاب ہوجائے گی۔ یہ سروس دہلی میٹرو سے پہلے صرف تین ممالک کے میٹرو میں دستیاب ہے۔
ڈی ایم آر سی کے مطابق انہوں نے سنہ 2016 میں پہلی بار میٹرو میں مفت وائی فائی شروع کی تھی، لیکن یہ خدمت صرف اسٹیشن تک ہی محدود تھی۔ میٹرو میں سفر کے دوران مسافر اسے استعمال نہیں کرسکتے تھے۔ لیکن اب یہ سروس میٹرو کی ایکسپریس لائن میں شروع کردی گئی ہے۔
مسافر اب میٹرو میں سفر کے دوران وڈیو کالز ، یوٹیوب، سوشل میڈیا ، گوگل کو وائی فائی کا استعمال کرسکیں گے۔
ڈی ایم آر سی کے مطابق بھارت جنوبی ایشیا کا پہلا ملک بن گیا ہے، جہاں میٹرو میں وائی فائی کی سہولت موجود ہے۔
دنیا کے بارے میں بات کریں تو یہ خدمت روس کے ماسکو، سینٹ پیٹرزبرگ ، کوریا میں سیئل اور چین میں شنگھائی سمیت کچھ شہروں میں دستیاب ہے۔
بھارت دنیا کا چوتھا ملک بن گیا ہے، جہاں مسافروں کو چلتی میٹرو میں وائی فائی سروس ملے گی۔
وہیں ڈی ایم آر سی کے مطابق، اس لائن کے بعد ، ڈی ایم آر سی یلو، رہڈ ، بلو ، گرین ، وایلیٹ اور گرے لائنوں میں بھی وائی فائی شروع کرنے جا رہی ہے۔ یہ سروس ان تمام چھ لائنوں پر ایک سال کے اندر شروع ہوجائے گی۔
اس طرح وائی فائی کا استعمال کیا جائے گا
ڈی ایم آر سی کے مطابق، میٹرو میں وائی فائی استعمال کرنے آئے مسافروں کو میٹرو وائی فائی فری سے جوڑنا ہوگا۔ اس کے لئے مسافروں کو ایک بار رجسٹریشن کرنا ہوگا۔
اس کے بعد آئندہ مسافر کا موبائل وائی فائی آٹو کنیکٹ ہو جائےگا۔ اس وائی فائی کی مدد سے آپ کو 2 ایم بی پی ایس اسپیڈ ملے گی۔ مسافر اپنے سفر کے دوران لامحدود انٹرنیٹ استعمال کرسکیں گے۔
