دہلی میٹرو ذرائع نے بتایا کہ ان اسٹیشنوں پر مسافروں کی بڑھتی ہوئی بھیڑ اور دہلی میں سی اے اے کے خلاف ہو رہے مظاہرے کو دیکھتے ہوئے دہلی پولیس کے مشورہ پر داخل ہونے والے اور باہر نکلنے والے دروازوں کو بند کر دیا گیا ہے۔
تاہم منڈ ي ہاؤس اورسینٹرل سکریٹریٹ پر انٹر چینج کی سہولت دستیاب ہے۔
خیال رہے کہ دہلی پولیس نے لوگوں سے اپیل کی تھی کہ وہ کناٹ پلیس اور اس کے آس پاس کے علاقوں جیسے انڈیا گیٹ، متھورا روڈ اور پرگتی میدان سے بچیں۔ لیکن بدھ کے روز یہاں بڑی تعداد میں لوگ اکٹھا ہو گئے۔ اس کی وجہ سے نئی دہلی کا علاقہ پوری طرح سے چوک ہو گیا۔
دہلی پولیس کے مطابق نئے سال کے موقع پر بڑی تعداد میں لوگ کناٹ پیلیس اور انڈیا گیٹ پر گھومنے کے لیے پہنچتے ہیں۔ اس کی وجہ سے کئی بار نئی دہلی سے لے کر جنوبی دہلی تک دیگر علاقوں میں جام لگ گیا۔
اس کے علاوہ دہلی میں جامعہ اور دیگر علاقوں میں ہو رہے مظاہرے کی وجہ سے بھی ٹریفک جام ہے۔
