دہلی کے وزیراعلی اروند کیجریوال نے کہا کہ دہلی کے بچوں نے کمال کردیا۔ دہلی کے سرکاری اسکولوں کا نتیجہ 97.87 فیصد رہا جو اب تک کا سب سے بہترین ہے۔ نجی اسکولوں کا نتیجہ 93 فیصد کے قریب ہے۔
کیجریوال نے کہا کہ عام آدمی پارٹی کی حکومت کے قیام کے بعد سال 2016 کے بعد سے نتائج ہر سال بہتر ہو رہے ہیں۔ ایک وقت تھا جب سرکاری اسکولوں کو برا سمجھا جاتا تھا۔ آج ہمارے سرکاری اسکولوں کے بچوں نے یہ ثابت کر دیا ہے کہ ذہانت کو پیسوں کی ضرورت نہیں ہے۔ دہلی سرکار کے 916 اسکولوں میں 396 اسکولوں میں 100 فیصد نتائج موصول ہوئے ہیں۔ 2016 میں 50.9 فیصد نتائج ، 2020 میں تقریبا 98 فیصد نتائج آئے ہیں۔
وہیں دہلی کے وزیر تعلیم منیش سسودیا نے پریس کانفرنس میں ساتھ بیٹھے ہوئے کہا کہ سرکاری اسکولوں کے بچوں نے یہ ثابت کردیا کہ ہم کسی سے کم نہیں ہیں۔ نتائج نے ثابت کیا کہ سرکاری اسکول کا استاد کسی نجی اسکول سے کم نہیں ہے۔
انہوں نے کہا کہ اس بار ناکام ہونے والے 2 فیصد بچوں کو افسردہ ہونے کی ضرورت نہیں ہے۔ ان کے لئے اضافی کلاس لگا کر ان کی مدد کی جائے گی۔ انہوں نے کہا کہ جو بچے پاس ہوئے ہیں وہ ایسے خاندانوں سے آتے ہیں جہاں پہلی نسل 10 ویں اور بارہویں کر رہی ہوتی ہے۔ جو یوپی بہار سے دہلی آگئے اور چھوٹے موٹے کام کر رہے ہوتے ہیں۔ جن کا نتیجہ 40-50 فیصد ہوا کرتا تھا۔ اس بار یہاں 916 میں سے 897 اسکول ہیں جن کے 90 فیصد سے زیادہ نتائج ہیں۔ ہمیں جلد ہی دہلی میں سو فیصد نتیجہ ملے گا۔
بتادیں کہ سی بی ایس ای بورڈ کی کلاس 12 کا نتیجہ پیر کو آیا تھا۔ دہلی کے سرکاری اسکول میں پڑھنے والے 98 فیصد بچے پاس ہوئے ہیں، جو اب تک کا ایک ریکارڈ ہے۔
