Home of Muslim Woman Journalist Set on Fire آزاد صحافی کے گھر پر لگائی شرپسندوں نے آگ، معاملے کو دبانے کی کوشش

قومی دارالحکومت دہلی کے سلطان پوری میں رہنے والی آزاد خاتون صحافی کے گھر کو شر پسند عناصر نے نذر آتش کردیا، یہ الزام 33 سالہ خوشبو اختر نے ای ٹی وی بھارت کے نمائندے سے خصوصی بات چیت کے دوران لگائے۔ Delhi Home of Independent Muslim Woman Journalist Set on Fire, trying to suppress the matter

دہلی: قومی دارالحکومت دہلی کے سلطان پوری میں رہنے والی آزاد خاتون صحافی کے گھر کو شر پسند عناصر نے نذر آتش کردیا، یہ الزام 33 سالہ خوشبو اختر نے ای ٹی وی بھارت کے نمائندے سے خصوصی بات چیت کے دوران لگائے۔ انہوں نے کہا کہ ان کے گھر کو جان بوچھ کر نشانہ بنایا گیا اور ان کے گھر کی الماری سے قران مجید کو باہر نکال کر بیت الخلاء کے قریب لاکر جلایا گیا ہے۔ خوشبو اختر گذشتہ کچھ سالوں سے ایک یوٹیوب چینل ’پل پل نیوز‘ کے نام سے چلا رہی ہیں۔ ان کی خبریں بیشتر اقلیتوں کے حقوق سے متعلق ہوتی ہیں۔ خوشبو مانتی ہیں کہ یہی سبب ہے کہ ان کے گھر کو آگ کے حوالے کیا گیا ہے۔ اس کے علاوہ کوئی ایسی وجہ نظر نہیں آتی ہے جس کے سبب یہ سمجھا جائے کہ ان کے گھر میں آگ کسی دوسری وجہ سے بھی لگ سکتی ہے۔

آزاد صحافی کے گھر پر لگائی شرپسندوں نے آگ، معاملے کو دبانے کی کوشش

نمائندے سے بات کرتے ہوئے خوشبو نے بتایا کہ وہ سلطانپوری کے اپنے والدین کے گھر میں کچھ عرصہ سے نہیں رہ رہی ہیں گھر بالکل کھالی تھا اور اسی لیے گھر میں لائٹ کا کنکشن بھی بند کردیا گیا تھا اور گھر سے کوئی سامان بھی غائب نہیں ہوا جس کے سبب یہ کہا جا سکتا ہے کہ نہ تو شارٹ سرکٹ اور نہ ہی چوری کے سبب گھر میں آگ لگائی گئی۔ خوشبو بتاتی ہیں کہ انہیں اپنی بے باک صحافت کی وجہ سے سوشل میڈیا پر بہت بار جان سے مارنے اور ان کی عضمت دری کرنے کی دھمکیاں ملتی رہی ہیں اور حال ہی میں ان کی اسٹوری کے بعد سے کچھ شر پسند عناصر انہیں مسلسل دھمکیاں دے رہے تھے جس کی وجہ سے وہ کافی پریشان تھی اب جبکہ ان کے گھر کو آگ لگایا گیا ہے تو یہ صاف ہے کہ اس کے پیچھے وہی شر پسند عناصر موجود ہیں جو انہیں دھمکیاں دیا کرتے تھے۔

اس سب کے بعد خوشبو ایف آئی آر درج کرانے میں کامیاب تو ہو گئی لیکن ائف آئی آر میں کوئی بھی ایسی دفعہ شامل نہیں کی گئی ہے جس کا مطالبہ کیا گیا تھا خوشبو کے مطابق ائف آئی آر دیکھنے سے یہ واضح ہوتا ہے کہ پولیس کارروائی کرنے کے موڈ میں نہیں ہے اور اس معاملے کو دبانے کی کوشش کر رہی ہے ابھی فی الحال خوشبو کے گھر کو پولیس نے سیل کیا ہوا ہے اور گھر میں موجود تقریبا تمام اشیاء جل کر خاک ہو چکی ہیں۔