دہلی ہائی کورٹ سنٹرل وسٹا پروجیکٹ کی تعمیر کے کام پر عبوری روک لگانے سے متعلق عرضی پر منگل کو سماعت کرے گی۔
چیف جسٹس ڈی این پٹیل اور جج جسمیت سنگھ کی صدارت والی بنچ نے گیارہ مئی کو اس معاملے پر سماعت کے لئے رضامندی ظاہر کی ہے ۔
جس کے بعد عرضی گزار کی طرف سے وکیل سدھارتھ لوتھرا نے ہائی کورٹ کے حکم کی معلومات فراہم کی ۔
عدالت عظمی نے جمعہ کو سنٹرل وسٹا پروجیکٹ پر روک لگانے کی عرضی خارج کردی تھی کیونکہ یہ معاملہ ہائی کورٹ میں زیرالتوا تھا۔
عدالت عظمی نے حالانکہ عرضی گزار کو جلد سماعت کے لئے دہلی ہائی کورٹ جانے کے لئے کہا تھا۔
عرضی گزار انیتا ملہوترا اور سہیل ہاشمی دہلی ہائی کورٹ کی طرف سے سنٹرل وسٹا پروجیکٹ پر روک لگانے سے انکار کرنے اور سماعت 17مئی تک ملتوی کرنے کے بعد عدالت عظمی گئے تھے۔
یو این آئی ۔
