دہلی ہائی کورٹ کے جج جینت ناتھ نے پیر کو معاملہ میں فیصلہ سناتے ہوئے دہلی حکومت کو دہلی گوردوارہ الیکشن ڈائریکٹوریٹ کو نظرثانی شدہ ووٹر لسٹ کی بنیاد پر متعینہ وقت پر الیکشن کرانے کا حکم دیا۔
جینت ناتھ نے دہلی سکھ گرودوارہ مینجمنٹ کمیٹی کی نئی ووٹر لسٹ بنانے کے مطالبہ کو مسترد کرتے ہوئے فیصلہ کیا کہ پرانی ووٹر لسٹ میں نئے ووٹروں کوشامل کرکے الیکشن کرائے جائیں۔ ساتھ ہی یہ بھی حکم دیا کہ 2025 کے گرودوارہ الیکشن نئی ووٹر لسٹ کے مطابق ہی ہوں۔
ہائی کورٹ کے اس فیصلہ کے بعد دہلی گرودوارہ الیکشن ڈائریکٹوریٹ جلد ووٹ بنانے کانوٹیفکیشن جاری کرسکتا ہے اور اب دہلی گرودوارہ کمیٹی کے انتخابات اپنے متعینہ وقت اپریل 2021 میں ہوسکتے ہیں۔
قابل ذکر ہے کہ اس معاملہ میں آخری سماعت 18 ستمبر 2020 کو ہوئی تھی اور دہلی ہائی کورٹ نے اپنا حکم محفوظ رکھ لیا تھا۔
