عدالت نے ملزم ونئے کو بیس ہزار روپے کے ذاتی مچلکے پر ضمانت دینے کا حکم دیا۔ عدالت نے ملزم کو اپنا موبائل نمبر سے متعلق تھانے کے ایس ایچ او اور جیل سپرنٹنڈٹ کو فراہم کرنے کی ہدایت کی ہے۔
عدالت نے کہا کہ عبوری ضمانت کے دوران ملزم ہفتے میں ایک بار ایس ایس او کو فون کرے گا اور اپنی موجودگی کے بارے میں رپورٹ دے گا۔
ونئے نے اپنی ضمانت کی درخواست میں کہا تھا کہ کورونا کی وجہ سے اعلان کردہ لاک ڈاؤن کے بعد اس کی ماں کی دیکھ بھال کرنے والا کوئی نہیں ہے۔ ملزم کی جانب سے پیش ہوئے وکیل اروند کمار شکلا نے عدالت کو بتایا کہ کچھ دن قبل ونے کی والدہ کو چوٹ لگی ہے۔ گھر میں ان کی دیکھ بھال کرنے والا کوئی اور نہیں ہے۔ لاک ڈاؤن کی وجہ سے ملزم کی اہلیہ بھی اپنے آبائی گھر میں پھنس گئی ہے۔
دہلی پولیس کی جانب سے ایڈوکیٹ رادھیکا کولّورو نے عبوری ضمانت کی درخواست کی مخالفت نہیں کی۔
انہوں نے کہا کہ درخواست میں بیان کردہ حقائق کی تصدیق کی گئی ہے۔ تفتیشی افسر کے مطابق، درخواست گزار کی والدہ گھر میں تنہا ہیں اور دوبارہ چل نہیں سکتی ہیں۔ اسی شرائط کے ساتھ ضمانت دینے پر کوئی اعتراض نہیں تھا۔
