دارالحکومت دہلی کی سبھی سرحدوں پر جاری کسان مظاہروں کو دیکھتے ہوئے دہلی ٹریفک پولیس نے مسافروں کی سہولت کے لیے دہلی کو ہریانہ سے جوڑنے والی چھ سرحدوں کو بند کردیا ہے اور 12 سرحدوں کو آمد و رفت کے لیے کھلا رکھا گیا ہے۔
دہلی ٹریفک پولیس نے ٹکری، جھڑودا، سندھو، صفیہ آباد، سبولی، اوچنڈی اور پیاؤ منیاری سرحدوں کو بند کیا ہے جہاں سے سبھی سواریوں کی آمد و رفت پر پابندی عائد کی گئی ہے۔
کسانوں کے احتجاج کے پیش نظر دہلی۔ہریانہ سرحد بند
اس کے علاوہ ڈانسا، دورالا، کاپس ہیڑا، راجوکری، بجواسن، پالم وہار اور ڈونڈا ہیڑا سرحد پر کسی بھی طرح کی سواریوں کی آمد و رفت پر پابندی نہیں عائد کی گئی ہے۔
ان سرحدوں پر ابھی گاڑیوں کی آمد و رفت جاری رہے گی، اسی کے ساتھ ہی نیشنل ہائی وے 44 کا استعمال کرنے والے لوگوں کو نیشنل ہائی وے 8 اور لامپور ہوتے ہوئے نکلنے کے احکامات جاری کے گئے ہیں۔
