وزیر اعلی اروند کیجریوال نے پریس کانفرنس میں بتایا کہ کابینہ نے الیکٹرک گاڑی پالیسی پر مہر لگا دی ہے اور اس پالیسی کا مقصد دہلی کو ملک کی الیکٹرک گاڑیوں کا دارالحکومت بنانا ہے۔
کیجریوال نے بتایا کہ دہلی میں الیکٹرانک گاڑیوں کے استعمال کو فروغ دینے کے لیے حکومت سبسڈی دے گی اور اس پالیسی کو نافذ کرنے کے لیے الیکٹرک وہیکل بورڈ قائم کیا جائے گا۔
کیجریوال نے مزید کہا کہ 'ریاستی حکومت کا ہدف سنہ 2024 تک رجسٹر ہونے والی نئی گاڑیوں میں ایک چوتھائی الیکٹرک گاڑیاں ہے۔
انہوں نے کہا کہ الیکٹرک وہیکل پالیسی کا پہلا خاکہ گزشتہ برس نومبر میں تیار کیا گیا تھا۔ اس خاکہ پر ماہرین کے مشوروں کے بعد اسے حتمی شکل دی گئی۔ پالیسی پر مشورہ دینے والی ماہرین کے اداروں میں اقوام متحدہ ماحولیا ت پروگرام، صاف ستھرے نقل و حمل کے لیے بین الاقوامی کونسل اور بھارتی صنعت کنفیڈریشن (سی آئی آئی) بھی شامل ہیں۔
