کورونا وبا کے سبب اسکول بند ہونے سے کوئی بھی طالبعلم تعلیم سے محروم نہ ہو، اس کے لئے ڈائرکٹوریٹ آف ایجوکیشن نے 'مشن ٹریس' شروع کیا ہے۔ اس کے تحت سبھی اسکول کو ان طلبہ کا پتہ لگانے کا حکم دیا گیا ہے جو یا تو شہر میں نہ ہونے یا پھر کسی دیگر وجوہات کے سبب آن لائن کلاسز میں حصہ نہیں لے پارہے ہیں اور جن سے ٹیلی فون پر بھی رابطہ نہیں ہو پا رہا ہے۔
دہلی حکومت کے ایجوکیشن ڈائریکٹر ادت پرکاش نے بتایا کہ ان کا مقصد ہے کہ زیادہ سے زیادہ بچے آن لائن کلاسز میں شامل ہوں۔
ادت پرکاش رائے نے کہا کہ نوٹس میں آیا ہے کہ کچھ بچے آن لائن کلاسوں میں حصہ نہیں لے پارہے ہیں اس لئے سبھی ہیڈ آف اسکول (ایچ او ایس) اور ٹیچروں کو ایسے بچوں کا پتہ لگاکر آن لائن کلاسز میں ان کی حصہ داری کو یقینی بنانے کے لئے کہا گیا ہے۔ اس سلسلے میں ایسا ہی ایک ویڈیو سامنے آیا ہے جس میں ایک خاتون ایسے ہی بچوں کو تلاش کرتی نظر آرہی ہے۔
