دہلی کے وزیر ماحولیات گوپال رائے نے اینٹی ڈسٹ مہم کے ودسرے مرحلہ میں جمعہ کو کڑکڑ ڈوما میں نیشنل بلڈنگ کنسٹرکشن کارپوریشن (این بی سی سی) کی سائٹ کا معائنہ کیا اور قوانین کی خلاف ورزی ملنے پر پانچ لاکھ روپے کا جرمانہ لگایا۔
وزیر ماحولیات گوپال رائے نے آج اینٹی ڈسٹ مہم کے دوسرے مرحلہ کی شروعات کی۔
انہوں نے کڑ کڑڈوما علاقہ میں این بی سی سی کی زیرتعمیر سائٹ کا معائنہ کیا اور قوانین کی خلاف ورزی ملنے پر پانچ لاکھ روپے کا جرمانہ لگایا۔
اس دوران انہوں نے کہا کہ چاروں طرف پرالی جلانے کے واقعات میں مسلسل اضافہ ہور ہا ہے۔
گذشتہ دس دنوں میں پنجاب، ہریانہ، اترپردیش میں 56 ہزار سے زیادہ مقامات پر پرالی جلائی گئی۔ ہوا کے رخ میں تبدیلی کے ساتھ آلودگی کی سطح میں اضافہ ہوا ہے۔
یہ بھی پڑھیں: دہلی حکومت الیکٹرک گاڑیوں کے چارجر پر سبسڈی دے گی
انہوں نے کہا کہ دہلی کے اندر اینٹی ڈسٹ مہم کی شروعات اکتوبر سے کی گئی تھی۔اس کا دوسرا مرحلہ آج سے شروع کیا جارہا ہے۔ ہماری ٹیمیں پھر سے دہلی میں زیرتعمیر مقامات کا معائنہ کریں گی۔ زیرتعمیر مقامات پر دھول کے ذرات ہو ا میں ملتے ہیں جس سے پی ایم دس، پی ایم 2.5کی سطح میں اضافہ ہوتا ہے۔'
انہوں نے دہلی کے اندر تقریباً 25 محکموں کو اینٹی ڈسٹ ٹیم بنانے کی ہدایت دی ہے۔
یو این آئی
