دہلی آتشزدگی سانحہ پر مرکزی وزیر ہردیپ سنگھ پوری نے ریاست کی عام آدمی پارٹی حکومت پر شدید نکتہ چینی کرتے ہوئے کہا کہ کیجریوال کے پاس عوام کو تحفظ فراہم کرنے کے لیے کوئی منصوبہ نہیں ہے۔
عام آدمی پارٹی حکومت کی متعدد مفت اسکیم پر بھی ہردیپ پوری نے کہا کہ ہر چیز کو مفت میں مہیا کرانے سے ترقی نہیں ہوگی، ریاست کو وسائل کی ضرورت ہے۔
مرکزی وزیر ہردیپ سنگھ پوری نے اناج منڈی میں لگی آگ پر آپ کی حکومت پر حملہ کیا، جس میں 43 افراد کی جانیں چلی گئیں۔
مرکزی ہاؤسنگ اینڈ شہری امور کے وزیر نے کہا کہ آگ، صنعت، بجلی، پانی، دہلی آلودگی کنٹرول بورڈ (ڈی پی سی سی) اور مزدور جیسے محکمے دہلی حکومت کے ماتحت ہیں۔
