دہلی: فیکٹری میں بھیانک آتشزدگی، 14 زخمی

دارالحکومت دہلی کے پیراگڑھی میں اوکایا بیٹری کی فیکٹری میں بھیانک آگ لگ گئی ہے۔ یہ آگ آج علی الصبح چار بجے لگی ہے۔ اس حادثے میں اب تک 14 افراد کے زخمی ہونے کی اطلاع ہے۔

جہاں فائربریگیڈ کی 35 گاڑیاں موقع پر پہنچ گئی ہیں۔ فیکٹری میں مزدوروں کے پھنسنے کا امکان ہے، وہیں راحت اور بچاؤ کا کام جاری ہے۔

اطلاعات کے مطابق آگ بجھا رہے تین فائرمین ملبے کے اندر ہی دب گئے جبکہ چار دیگر فائر مین اور ایک مزدور کے زخمی ہونے کی خبر ہے۔ سبھی کو بچانے کا کام جاری ہے۔

موقع پر فائر ڈپارٹمنٹ کے سبھی اعلیٰ افسر، پولیس، این ڈی آر ایف اور سول ڈیفینس کی ٹیم کے ساتھ ساتھ ایمبولینس بھی موقع پر پہنچی ہوئی ہے۔

راحت اور بچاؤ کے دوران فیکٹری میں دھماکہ ہوگیا، فی الحال آگ پر قابو پا لیا گیا ہے۔ لیکن اب بھی ریسکیو جاری ہے۔