اوکھلا سے امانت اللہ خان ، بلی ماران سے عمران حسین، مٹیا محل سے شعیب اقبال، مصطفیٰ آباد سے حاجی یونس اور سیلم پور سے عبدالرحمان نے کامیابی حاصل کی۔
عام آدمی پارٹی کو واضح اکثریت حاصل ہوئی ہے، 57 نشستوں پر جیت درج کی گئی ہے۔
کیجریوال نے کہا کہ 'یہ جیت صرف پارٹی کی نہیں بلکہ دہلی کے عوام کی جیت ہے، انہوں نے کہا کہ 'یہ ان کی جیت ہے جنہیں 24 گھنٹہ مفت بجلی، دہلی کے بچوں کو اچھی تعلیم مل رہی ہے اور یہ جیت ہر اس خاندان کی جیت ہے جنہیں ہسپتال میں بہتر اور کفایتی علاج مل رہا ہے'۔
دہلی کے چیف الیکشن افسر (سی ای او) رنبیر سنگھ نے بتایا کہ 'گنتی صبح 8 بجے شروع ہوئی اور ایک سے زیادہ راؤنڈ میں ہوگی۔'
سنگھ نے کہا ہے حفاظتی انتظامات کے وسیع انتظامات کئے گئے ہیں۔ یہ عمل الیکشن کمیشن کے طے شدہ طریقہ کار کے مطابق کیا جا رہا ہے'۔
انہوں نے کہا ، دہلی کے مختلف مراکز میں سیکیورٹی کے سخت انتظامات کئے گئے ہیں۔
انہوں نے کہا ہے کہ 'گنتی کے مراکز 70 مقامات پر پھیلے ہوئے ہیں۔ ہر مرکز میں متعدد گنتی کے ہال ہیں، جو اس ضلع میں آنے والے انتخابی حلقوں کی تعداد کے برابر ہیں'۔
سابق مرکزی وزیر خزانہ پی دمبرم نے دہلی اسمبلی انتخابات کے نتائج پر ٹویٹ کیا 'عاپ' کی جیت ہوئی، بیوقوف بنانے اور پھینک والوں کی ہار، دہلی کے لوگ جو بھارت کے تمام حصوں سے ہیں، نے بی جے پی کے پولرائزیشن تفرقہ بندی اور خطرناک ایجنڈے کو شکست دی ہے، میں دہلی کے عوام کو سلام پیش کرتا ہوں جنہوں نے دوسری ریاستوں کے لیے ایک مثال قائم کی ہے جہاں 2021 اور 2022 میں انتخابات ہوں گے'۔
سماج وادی پارٹی کے سربراہ اکھلیش یادو نے کہا کہ 'میں اروند کیجریوال جی کو مبارکباد پیش کرتا ہوں۔ میں دہلی کی عوام کا بھی شکریہ ادا کرتا ہوں جنہوں نے نفرت ، غداری اور تباہی کی سیاست کو مسترد کردیا۔ اس انتخابات کے نتیجے کے بعد ، بی جے پی کو کوئی باغ یاد نہیں ہوگا۔
