مرکزی وزیر داخلہ امیت شاہ نے جنوبی دہلی کے تغلق آباد میں منعقد ایک پروگرام میں کہا کہ 'اس منصوبہ سے سائیکل چلانے کے فیشن میں اضافہ ہوگا اور شہر میں آلودگی میں 20 فیصد کمی آئے گی۔'
پروگرام میں مرکزی شہری ترقی کے وزیر مملکت (آزادانہ چارج) ہردیپ پوری اور دہلی کے لفٹننٹ گورنر انل بیجل بھی موجود تھے۔
وزیر داخلہ نے بنیاد رکھنے کےبعد کہا کہ 'انہیں یقین ہے کہ منصوبہ کے مطابق سائیکل ٹریک بنانے کےب عد دہلی کی آلودگی کی سطح میں تقریبا 20 فیصد کمی آئے گی۔ جب 50 لاکھ سے زیادہ مسافر سائیکل پر چلنے لگیں گے تو یہ فیشن بننے والا ہے۔'
دہلی کی عام آدمی پارٹی حکومت پر عوام مخالف ہونے کا الزام لگاتے ہوئے شاہ نے کہا ہے کہ 'عام آدمی پارٹی کی حکومت نے دہلی کے غریب اور گاؤں کا سب سے زیادہ نقصان کیا ہے۔'
