دہلی پردیش کانگریس کمیٹی کے صدر انل کمار نے کانگریس کے سینئر رہنماؤں کے ساتھ دہلی اور ملک کی خراب ہوتی صورتحال، موجودہ سیاسی اور معاشی صورتحال پر تبادلہ خیال کرنے کے لئے ایک میٹنگ منعقد کی۔ میٹنگ میں موجود رہنماؤں نے تین بڑی قراردادیں منظور کیں۔
ایک قرارداد میں راہل گاندھی کو انڈین نیشنل کانگریس کا صدر بنانے کی تجویز پیش کی گئی جسے منظور کر لیا گیا۔
وہیں دہلی میں کسان ٹریکٹر ریلی کے دوران ہوئے تشدد اور موجودہ صورتحال کے لیے مرکزی وزیر داخلہ امت شاہ اور دہلی کے وزیر اعلی اروند کیجریوال کو ذمہ دار ٹھہراتے ہوئے ان سے استعفی کا مطالبہ کیا۔
یہ بھی پڑھیں: بھارت میں مسلمان محفوظ نہیں: حامد انصاری
اس اجلاس میں آل انڈیا کانگریس کمیٹی کے دہلی انچارج شکتی سنگھ گوہل نے مہمان خصوصی کے طور پر شرکت کی۔
