آٹھ فروری کو لوگ کام پر ووٹ دیں گے: اروند کیجریوال

دہلی اسمبلی الیکشن کے لیے انتخابی مہم کا شور جمعرات کو تھم گیا ہے۔ جس کے بعد دہلی کے وزیر اعلیٰ اروند کیجریوال نے ایک ٹویٹ میں لکھا ہے کہ 'انتخابی مہم کا وقت ختم ہو گیا ہے۔'

اسمبلی انتخاب کو لے کر انتخابی مہم کا وقت جمعرات کی شام چھ بجے ختم ہوا۔ اب کوئی پارٹی تشہیر نہیں کر سکے گی۔ انتخابی مہم کا وقت ختم ہونے پر دہلی کے وزیر اعلیٰ اروند کیجریوال نے کہا کہ 'مجھے پورا یقین ہے کہ دہلی کے لوگ آٹھ فروری کو کام کے نام پر ووٹ دیں گے۔'

ٹویٹ

اروند کیجریوال نے لکھا،' تشہیر کا وقت ختم ہو گیا ہے۔ مجھے عام آدمی پارٹی کے ہر کارکن اور حامی پر فخر ہے، جنہوں نے ضابطہ انتخاب پر عمل کرتے ہوئے مہم چلا کر لوگوں کا دل جیت لیا۔ سچائی کے راستے پر اچھے کام کرنے والوں کا بھگوان ہمیشہ ساتھ دیتا ہے۔ مجھے پورا یقین ہے کہ آٹھ فروری کو لوگ کام پر ووٹ دیں گے۔'

غورطلب ہے کہ دہلی اسمبلی انتخاب کے لیے آٹھ فروری کو پولنگ ہونی ہے۔ نتیجے کا اعلان 11 فروری کو ہوگا۔

بتا دیں کہ 2015 میں دہلی اسمبلی انتخاب میں عام آدمی پارٹی نے 70 میں سے 67 نششتوں پر کامیابی حاصل کی تھی۔ ساتھ ہی بی جے پی کو تین نششت اور کانگریس کو کوئی کامیابی نہیں ملی تھی۔