نئی دہلی: دہلی کے وزیر اعلیٰ اروند کیجریوال نے منگل کے روز کہا کہ ’’موربی پل حادثہ بدعنوانی کا نتیجہ ہے، اس لیے گجرات کے وزیر اعلی بھوپیندر پٹیل کو اپنے عہدے سے استعفیٰ دے دینا چاہیے۔‘‘ کیجریوال نے ان باتوں کا اظہار نئی دہلی میں ایک پریس کانفرنس کے دوران کیا۔ کیجریوال نے کہا: ’’پٹیل کو فوراً استعفیٰ دے دینا چاہئے اور ریاست میں اسمبلی انتخابات منعقد کرائے جانے چاہئے۔‘‘Arvind Kejriwal asks Gujararat CM Bhupendrabhai Patel to Resign
وزیر اعلیٰ اروند کیجریوال نے کہا کہ ’’موربی پل حادثہ کرپشن کا معاملہ ہے۔ پل کی مرمت کا کام گھڑی بنانے والی کمپنی کو دیا گیا تھا، جس کا مطلب ہے کہ اس کمپنی کے بھارتیہ جنتا پارٹی (بی جے پی) کے ساتھ تعلقات ہیں۔‘‘ کیجریوال نے حیرانگی کا اظہار کرتے ہوئے کہا: ’’ایف آئی آر میں نہ تو کمپنی اور نہ ہی اس کے مالک کا نام ہے۔ اس معاملے پر پردہ ڈالا جا رہا ہے۔‘‘Morbi bridge collapse
- مزید پڑھیں: Cable Bridge Collapses in Morbi گجرات کے موربی علاقے میں کیبل پُل اچانک ٹوٹا، 141 سے زائد افراد ہلاک
کیجریوال نے کہا کہ ’’ایک الزام یہ بھی ہے کہ پل بنانے والی کمپنی نے بی جے پی کو بھاری چندہ دیا ہے۔ ریاست کے وزیر اعلیٰ کو عہدے پر برقرار رہنے کا کوئی اخلاقی جواز نہیں ہے۔ حکومت گجرات فوری مستعفی ہو کر انتخابات کرائے۔‘‘ Arvind Kejriwal on Morbi bridge collapse
واضح رہے کہ اتوار کی شام ریاست گجرات کے موربی علاقے میں جھولا پل گرنے سے 140 سے زائد لوگوں کی موت ہو گئی جبکہ کئی لوگ زخمی ہو گئے۔
یو این آئی
