دہلی میں ہفتہ وار بازار، سنیما ہال کھلیں گے

دہلی کی تمام ہفتہ واربازار اب کھلیں گے۔ اس کے ساتھ ہی دہلی کے سنیما ہال بھی 15 اکتوبر سے کھل جائیں گے۔

وزیراعلی اروند کیجریوال نے بدھ کے روز اس کا اعلان کیا۔ انہوں نے ٹوئیٹ کیا ، "اب دہلی کی تمام ہفتہ وار مارکیٹیں کھل جائیں گی۔ اب تک فی زون میں صرف دو مارکیٹوں کی اجازت تھی۔ غریب لوگوں کو اس سے کافی راحت ملے گی۔

دہلی کے سنیما ہال بھی 15 اکتوبر سے کھولے جائیں گے۔ انہیں مرکزی حکومت کے جاری کردہ تمام رہنما خطوط پر عمل کرنا ہوگا۔مرکزی وزارت داخلہ نے 30 ستمبر کو ان لاک 5 کے لئے نئی ہدایات جاری کی تھیں جس میں 15 اکتوبر سے ملک میں 50 فیصد صلاحیت کے ساتھ سینما ہال ، تھیٹر ، ملٹی پلیکس کھولنے کا اعلان کیا گیا تھا۔