دہلی بی جے پی کے صدر منوج تیواری نے دہلی کے پنڈت پنت مارگ پر واقع بی جے پی کے دفتر اور اس کی سرکاری رہائش گاہ کے اوپر پارٹی کے پرانے پرچم کو ہٹا کر نیا پرچم لگایا۔ منوج تیواری نے پارٹی کارکنان سے بھی اپیل کی کہ وہ بی جے پی کے یوم تاسیس کے موقع پر اپنی رہائش گاہ پر نیا پرچم لگائیں۔
جی جے پی کے یوم تاسیس پر منوج تیواری نے پارٹی پرچم لہرایا اس دوران انہوں نے تمام کارکن سے پارٹی پرچم لگانے اور کورونا وائرس کی وجہ سے سماجی دوری کا خیال رکھنے کو بھی کہا۔ انہوں نے پارٹی کارکنان سے بھی اپیل کی ہے کہ وہ پارٹی کے یوم تاسیس کے موقع پر اور لاک ڈاؤن کی وجہ سے پریشان اور غریب افراد کی مدد کرین اور ان سے ہمدردی بھی کریں۔
بی جے پی کے ریاستی صدر منوج تیواری نے کہا کہ پارٹی کے قومی صدر جے پی نڈا نے کارکنان سے اپیل کی ہے کہ وہ بوتھ سطح پر گھر پر بنے ہوئے دو چہرے کے ماسک اگلے ہفتے سے ہر فرد کو دیں۔ پارٹی کے چالیسویں یوم تاسیس کے موقع پر کارکنان کو یہ پیغام بھی دیا گیا ہے کہ تمام کارکنان دیگر 40 افراد سے وزیر اعظم کیئرس فنڈ میں 100 روپے کی گرانٹ فراہم کرائیں۔
اس کے علاوہ اپنے بوتھ کے 40 گھروں میں رابطہ کر پانچ شکریہ کے خطوط پر دستخط کرائیں۔ یہ تشکر خط پولیس، ڈاکٹرز، نرس، صفائی کارکنان، بینک اور پوسٹ آفس ملازمین اور سرکاری ملازمین کا شکریہ ادا کرنے کے لیے ہوں گے۔ اس کے ساتھ کارکنان سے پارٹی اور سینئر رہنماؤں کے بارے میں اپنے گھر میں دستیاب لٹریچر پڑھنے کو بھی کہا گیا ہے۔ بتا دیں کہ 6 اپریل سنہ 1980 کو بی جے پی کا قیام عمل میں آیا تھا۔
