نئی دہلی:دہلی میونسپل کارپوریشن انتخابات Delhi Municipal Corporation Elections کے پیش نظر عام آدمی پارٹی کا بی جے پی پر زبانی حملہ جاری ہے۔
عام آدمی پارٹی رہنما درگیش پاٹھک Aam Aadmi Party leader Durgesh Pathak نے بی جے پی کے کونسلروں پر نارتھ ایم سی ڈی میں سرکاری زمین پر قبضہ کرنے کا سنگین الزام لگایا۔
انہوں نے الزام لگایا کہ کارپوریشن انتخابات سے پہلے دہلی بی جے پی کی کونسلر اپنے ذاتی مفادات کے لیے زمینوں پر قبضہ کرکے اپنی جیبیں بھرنے میں مصروف ہیں۔ یہ سب بی جے پی کے ریاستی صدر آدیش گپتا کے علم کے بغیر ہونا ناممکن ہے۔
پریس کانفرنس میں کونسلر کی طرف سے اسسٹنٹ کمشنر کو لکھے گئے خط کا ثبوت دکھاتےہوئے درگیش پاٹھک نے کہا کہ بی جے پی کی نارتھ ایم سی ڈی کی مقامی کونسلر منجو کھنڈیلوال نے اپنی ذاتی دلچسپی کی وجہ سے اسسٹنٹ کمشنر کو خط لکھ کرڈھلاؤ گھر کی زمین اپنے شوہر کے ذریعہ چلائے جانے والے این جی او کو دی گئی ہے۔
عام آدمی پارٹی رہنما درگیش پاٹھک نے کہا کہ دہلی کے لوگوں نے اس بار کارپوریشن انتخابات میں تبدیلی کا ذہن بنا لیا ہے اور وہ اروند کیجریوال کو موقع دینے جا رہے ہیں۔ اس کو دیکھتے ہوئے بی جے پی کے لیڈران پوری طرح بوکھلا گئے ہیں اور ایک سازش کے تحت اپنی جیبیں بھرنے کے لیے بڑے پیمانے پر کرپشن کرکے کارپوریشن کی زمینوں کو مسلسل فروخت کررہے ہیں۔
انہوں نے کہا کہ پچھلے چھ سات مہینوں میں کارپوریشن کی زمین ایک کے بعد ایک بی جے پی فروخت کر رہی ہے۔ اس کا واضح ثبوت گاندھی میدان چاندنی چوک پارکنگ پروجیکٹ، شیوا مارکیٹ پیتم پورہ پارکنگ پروجیکٹ، قطب روڈ پارکنگ کی اراضی فروخت کرنے کی تجویز کو نہ صرف لایا گیا بلکہ پاس کیا گیا۔
عام آدمی پارٹی رہنما نے کہا کہ کارپوریشن نے سنجے گاندھی ٹرانسپورٹ نگر کو 132 پلاٹ بھی فروخت کئے۔ قرول باغ میں زمین بھی بیچ دی گئی۔ شالیمار باغ میں سکول کی زمین بھی بیچ دی گئی۔
یہ بھی پڑھیں: AIMIM on Delhi Government: 'کیجریوال مسلمانوں کے مسائل حل کرنا نہیں چاہتے'
درگیش پاٹھک نے کہا کہ ان زمینوں کو بیچنے کی تجویز نہ صرف بی جے پی کی طرف سے لگاتار لائی گئی بلکہ منظور بھی ہو گئی۔ سوال اٹھانے پر بی جے پی نے جواب دیا کہ یہ زمین این جی او کو دی جارہی ہے تاکہ اس کی دیکھ بھال کی جاسکے۔ لیکن اس سارے معاملے میں بہت زیادہ کرپشن ہوئی ہے۔ یہ تمام این جی اوز کسی نہ کسی طرح بی جے پی کے لیڈروں سے جڑی ہوئی ہیں۔ اس کا مقصد کارپوریشن کے تحت سرکاری زمینوں کو فروخت کرکے نجی مفاد کو پورا کرنا ہے۔
درگیش پاٹھک نے کہا کہ نارتھ ایم سی ڈی کے تحت آنے والی ڈھلوان زمین جو کیشو پورم زون اشوک وہار کے اندر ہے۔ وہیں یہ زمین کارپوریشن کمشنر نے ایک این جی او کو دی ہے۔ سب سے دلچسپ بات یہ ہے کہ یہ زمین اس وارڈ کی موجودہ کونسلر منجو کھنڈیلوال کے شوہر راجندر کمار کھنڈیلوال کو دی گئی ہے۔ جو کہ واضح طور پر ایک بڑی کرپشن ہے۔
