دارالحکومت دہلی کے چانکیہ پوری میں واقع تاج پیلس ہوٹل میں ایک امریکی شہری کی لاش ملنے سے طرح طرح کی باتیں ہو رہی ہیں۔ ہلاک شدہ کی شںاخت منی جیٹلی 35 برس کے طور پر کی گئی ہے۔ فی الحال ان کی موت کیسے ہوئی اور کس نے کی اس بات کا انکشاف ابھی نہیں ہو پایا ہے۔ معاملے کو درج کر کے پولیس نے تفتیش شروع کر دی ہے۔
پولیس نے لاش کو پوسٹ مارٹم کرانے کے لیے اپنی تحویل میں لے لیا ہے۔ ہلاک شدہ شخص کی فیملی کے آنے کے بعد اس کا پوسٹ مارٹم کروایا جائگا۔
اطلاعات کے مطابق تاج پیلس ہوٹل میں سنیچر کے روز امریکی شہری کمرے میں بے ہوشی کی حالت میں پایا گیا ۔ جس کے بعد ہوٹل کےملازمین ڈپلی کیٹ چابی سے دروازہ کھول کر انہیں کمرے سے باہر نکالا اور فوری طور پو انہیں اسپتال لے جایا گیا جہاں ڈاکٹروں نے انہیں مردہ قرار دے دیا۔
پولیس کے مطابق منو جیٹلی جمعرات کے روز ہوٹل میں قیام کیا تھا۔ وہیں سنیچر کو فیملی کے ممبر نے انہیں فون کیا تو انہوں نے فون نہیں اٹھایا، جس کے بعد ہوٹل کے کے رسیپشن پر فون کیا گیا۔ ہوٹل کا ویٹر جب کمرے میں پہنچا تب جا کر حادثے کا پتہ چلا۔
پولیس نے سی سی ٹی وی کا ریکارڈ نکال کر تفتیش شروع کر دی ہے۔
