دہلی: فیکٹری میں بھیانک آتشزدگی، 43 ہلاک

قومی دارالحکومت دہلی میں آتشزدگی میں ہلاک ہونے والے متعدد افراد کی میڈیکل رپورٹ جاری کر دی گئی ہے، اس سانحہ میں 43 افراد ہلاک ہوئے ہیں۔

دہلی کے رانی جھانسی روڈ کے نزدیک اناج منڈی میں ایک چار منزلہ عمارت میں اتوار کی صبح شدید آگ لگ گئی جس میں کم از کم 43 افراد کی دم گھٹنے سے موت ہو گئی۔

فائر بریگیڈ کے افسر کے مطابق واقعے کی اطلاع صبح پانچ بج کر 20 منٹ کے قریب موصول ہوئی اور اس کے بعد فوری طور پر فائر بریگیڈ کی تقریباً 30 گاڑیوں کو موقع پر بھیجا گیا۔

افسر کے مطابق عمارت سے باہر نکالے گئے لوگوں کو نزدیکی لوک نائک جے پرکاش اسپتال (ایل این جے پی ) اور ہندو راؤ اسپتال میں علاج کے لیے بھیجا گیا۔

حادثے میں دم گھٹنے کی وجہ سے کم از کم 43 افراد کی موت ہو گئی ہے اور بڑی تعداد میں دونوں اسپتالوں میں لوگوں کا علاج کیا جا رہا ہے۔

اس سلسلے میں ایل این جے پی اسپتال انتظامیہ نے متعدد ہلاک شدگان کی شناخت کرتے ہوئے ان کی میڈیکل رپورٹ جاری کی ہے۔