کورونا وائرس کے بڑھتے کیسز کو دیکھتے ہوئے دارالحکومت دہلی میں لاک ڈائون کے اعلان ہوتے ہی شراب کی دکانوں پر لوگوں کی بھیڑ جمع ہوگئی۔
بھاری تعداد میں لوگ شراب خریدنے کے لیے شراب کی دکان پر پہنچ رہے ہیں۔ اس دوران لوگ سوشل ڈیسٹنسنگ کی ڈھجیان اڑاتے نظر آرہے ہیں۔ حالانکہ دہلی پولیس کے جوان بھیڑ کو کنٹرول کرنے کے لیے شراب ٹھیکے پر پہنچ رہے ہیں، لیکن بھیڑ کنٹرول سے باہر نظر آرہی ہے۔
واضح رہے کہ کورونا کے بڑھتے معاملوں کو دیکھتے ہوئے وزیراعلی ارویند کیجریوال نے دہلی میں آج رات 10 بجے سے 26 اپریل تک لاک ڈاؤن لگانے کا اعلان کیا ہے۔ اس دوران صرف ضروری خدمات کھلی رہیں گی۔ لاک ڈاؤن کا اعلان ہوتے ہی بڑی تعداد میں لوگ شراب خریدنے کے لیے شراب کی دکانوں پر پہنچ رہے ہیں۔ اس کی وجہ سے غازی پور علاقے سمیت دیگر جگہوں پر شراب کی دکانوں کے سامنے لوگوں کی لمبی قطار نظر آرہی ہے۔
