قومی دارالحکومت دہلی میں آج صبح خطرناک سڑک حادثہ Road Accident In Delhi پیش آیا، حادثہ اتنا خطرناک تھا کہ موقع پر ہی دو لوگوں کی موت Couple Died In Road Accident ہوگئی۔حادثہ کے بعد ٹریفک جام ہوگیا۔ اطلاع ملتے ہی جائے وقوع پر پولیس ٹیم پہنچ گئی ہے اور دونوں گاڑیوں کو سڑک سے ہٹانے کی کوشش کی۔
اطلاع کے مطابق دہلی کے آر کے پورم میں رنگ روڈ کے قریب آج صبح ایک خوفناک سڑک حادثہ پیش آیا جس میں دو لوگوں کی موت ہوگئی۔ بتایا جا رہا ہے کہ بجری (گٹی) سے لدا ٹرک تیز رفتار سے آ رہا تھا اور بے قابو ہو کر گزرنے والی کار سے ٹکرا گیا۔
بے قابو ٹرک نے کار کو زور سے ٹکر ماری، گاڑی میں تین افراد سوار تھے جس میں میاں بیوی اور ایک چھوٹی بچی تھی۔ میاں بیوی کی موقع پر ہی موت ہوگئی جبکہ چھوٹی بچی کو زخمی حالت میں قریبی اسپتال میں داخل کرایا گیا ہے۔
یہ بھی پڑھیں: دہلی : تیز رفتار ٹیمپو نے فٹ پاتھ پر سو رہے تین لوگوں کو کچل دیا
اس حادثے کی وجہ سے سڑک پر کئی کلو میٹر لمبا جام لگ گیا۔ وہیں دہلی پولیس کے اہلکاروں نے کافی مشکت کے بعد جام کھلوایا اور لوگوں کو جام سے نجات ملی۔ پولیس معاملے کی جانچ کر رہی ہے۔
