فوج کے آر آر اسپتال میں کورونا کے 24 مریض

دارالحکومت دہلی میں فوج کے ریسرچ اینڈ ریفرل اسپتال کے کینسر محکمے میں 24 مریض کورونا وائرس سے متاثر پائے گئے ہیں اور انہیں فوج کے دہلی کینٹ واقع بیس اسپتال میں داخل کرایا گیا ہے۔

فوج کے مطابق متاثرہ پائے گئے مریضوں میں ملازت کررہے اور ریٹائرڈ ملازمین اور ان پر انحصار کرنے والے شامل ہیں۔

ابھی تک ہسپتال کے کسی بھی طبی عملہ یا دیگر عملے میں کورونا وائرس کا انفیکشن نہیں پایا گیا ہے۔

ذرائع کے مطابق اس سے پہلے فوج میں کورونا وائرس کے 14 معاملے سامنے آ چکے ہیں جن میں سے پانچ صحتیاب ہوکر کام پر لوٹ آئے ہیں۔