آج کانگریس کے رہنما ابھیشیک منو سنگھوی کورونا جانچ رپورٹ مثبت آنے کے بعد کورنٹائن میں چلے گئے۔
ذرائع کے مطابق کانگریس ترجمان میں کورونا کی کچھ علامات ظاہر ہوئی ہیں جبکہ ان کی اہلیہ بھی کورونا متاثر پائی گئی۔ حکومتی ہدایات کے مطابق انہوں نے خود کو گھر میں الگ تھلگ کر لیا ہے اور گھر پر ہی علاج کیا جارہا ہے۔
ابھیشیک منو سنگھوی کی کورونا رپورٹ مثبت آنے کے بعد ان کے بیٹے اور دیگر افراد خاندان کی بھی جانچ کی جارہی ہے۔
قبل ازیں کانگریس کے رہنما سنجے جھا کا کورونا ٹیسٹ مثبت آیا تھا اور وہ ممبئی میں صحتیاب ہوگئے۔
اس کے علاوہ گذشتہ چوبیس گھنٹوں کے دوران گجرات میں کانگریس کے تین سینئر رہنما کورونا سے متاثر پائے گئے۔ فی الحال کانگریس کے راجیہ سبھا امیدوار بھارت سنگھ سولنکی بھی کورونا سے متاثر ہیں۔
